5 giugno 1400
IR
Ordelaffo Falier di Candia è nominato alla direzione dell’arsenale con uno stipendio di 200 iperperi l’anno sulla base della parte del 1387, finora mai eseguita. Berto della Porta, figlio di Leonardo, terrà l’officio per l’armamento fino alla sua morte e poi il Falier terrà entrambi gli uffici.
Misti Registri, reg. 45, f. 16v (pubblicato in Noiret 1892, 107).
Cum rectores nostri Crete, ducha scilicet et consiliarii, scribant quod res nostri arsenatus Candide sunt male custodite et sine aliqua regula, in maximun damnum nostri Comunis et sinistrum agendorum nostri dominii, et propterea dicunt quod esset expediens providere superinde, reducendo nobis ad memoriam quamdam partem captam 1386 mensis februarii die vicesima quinta, que continet de modo qui servari debet in eligendo unam personam sufficientem cum certa provisione superinde. Et sit hic providus vir Ordelafus Falletro de Candida, homo sufficiens et probus, qui, sequendo vestigia suorum progenitorum, a juventute sua citra nunquam destitit laborare et exercere personam suam pro honore et statu nostro, et maxime eundo cum suis navigiis in extremitatibus Crete pro frumentis et bladis cum sua propria pecunia emptis1 [...] in tantum quod, adversante sibi fortuna, de magna et notabili condicione, in qua remansit a patre, venit ad paupertatem et miseriam, unde necesse est quod ipse habeat nostram subventionem. Et cum ad istud officium arsenatus ipse foret multum utilis et sifficiens, et ad illud recomendetur per regimen Crete predictum. Vadit pars, cum illa pars de qua faciunt mentionem regimina nostra Crete, capta 1386, que vult quod officium arsenatus cum officio armamenti cojungi debeat, non fuerit usque nunc missa executioni, nec honeste ad presens mitti possit, cum illo officio armamenti sit Bertus de la porta filius Leonardi, qui ambo semper fuerunt fidelissimi nostri dominii [...] ipse poni debeat in dicto officio arsentus Candide, ad custodiendum et gubernandum cum admirato nostro Candide res nostri arsenatus, cum salario yperperorum ducentorum in anno, et cum conditionibus in illa parte contentis de proba que de eo et admirato fieri debet in consilio Rogatorum [...] remanente in dicto officio armamenti ipso Berto de la Porta cum salario quod ad presens habet, donec vixerit, ut possit sub umbra alarum nostrarum ducere vitam suam. Verum, casu occurrente quod deficeret et vacaret ipsum officium armamenti per mortem dicti Berti de la Porta vel aliter, dictus Ordelafus exercere debeat utrumque officium cum salario predicto yperperorum ducentorum in anno, ita quod ipsa dua officia sint unita simul, secundum formam dicte partis.
De parte 64; de non 4; non sinceri 6.
- Il documento illustra le attività prestate a titolo personale da Ordelaffo Falier in varie occasioni di pubblica utilità sia civile che militare alla fine del Trecento mentre erano duchi di Creta Domenico Bon (1389) Michele (o Matteo) Giustinian (1391) Donato Moro (1387 e 1395). ↩