13 aprile 1307
IR
Il Maggior Consiglio delibera in merito alla modalità di copertura delle spese relative a diversi edifici di Candia, alcuni dei quali danneggiati dal recente terremoto, incluso l’arsenale della città.
ASVe, Avogaria di Comun, Deliberazioni Maggior Consiglio, reg. 20, Magnus, c. 75r, n. 9 (Gerola IV, 123).
Quod absolvatur duca ab eo quod non potuit reddere yperpera accepta pro castris.
Millesimo CCC VII mensis aprilis die XIII. Cum fuisset comissum duche [duca di Candia] et consiliaris [consiglieri di Candia] qui nunc sunt in Creta quod cum omni solicitudine qua possent construi facerent duo castra in capite levantis ubi eis videretur de bonis comunis Crete et si pecunia non erit in comuni pro ipsis construendis milites et burgenses Candide mutuarent eam comuni pro qua nullum lucrum solvetur comune et ducha et consiliarii deberent depuctare pro ipso mutuo reddendo de reditibus comunis tantum quantum possent competerent (?) ita quod de ipsis redditibus haberent et perciperent ad minus iperpera III mila in suo tempore usque ad satisfacionem ipsorum et in ipsis redditibus non intelligerentur redditus commerciali (?). Et ipsis duche et consiliarii super venitur multa facere pro quibus ipsos oportuit expendere (?) expendere silicet pro ecclesia Sancti Marci Candide [Heraklion, chiesa di San Marco], pro palatio [Heraklion, palazzo del comune] pro arsenatu quod oportuit penitus aptari pro salvamento galeis sibi missarum, pro aptandis muris et turibus existentibus circa portum que propter terremotum ceciderant et pro construendo castrum in Ierapetra [Hierapetra] sicut eis mandatum fuit et pro multis malandrinis qui fuerunt persecuti et mortui in insula predicta Crete quas expensas solvere non potuerunt. Capta fuit pars quod presens ducha absolvatur ab eo quod non potuit reddere dicta yperpera III mila et comittatur duche nunc ituro et alii duche qui ibit post eum quod solvant dictam pecuniam sicut consulunt illi qui sciunt condiciones deinde.
